Uzun müddət zədəli olan Gəncənin "Kəpəz" klubunun futbolçusu Şəhriyar Əliyevin müalicə prosesi başa çatıb. Sportnet.az-ın məlumatına görə, müdafiəçi bir müddət istirahət etməli və sonra məşqlərə başlamalıdır.
Ş.Əliyevin gələn ilin əvvəlindən məşqlərə start verməsi nəzərdə tutulub.
Bu müddətdə o, "İnter"lə kubok və "Qəbələ" ilə çempionat matçlarında komandaya kömək edə bilməyəcək.
Qeyd edək ki, sentyabrda "Qarabağ"la ev oyununda zədələnən futbolçu diz nahiyəsinin iç yan bağında gərilmə və ön çarpaz bağda degenerasiyadan əziyyət çəkib.
