"Zirə"nin yeni baş məşqçisi Ayxan Abbasov köməkçilərini müəyyənləşdirib. Gənc mütəxəssis Sportnet.az-a açıqlamasında sabiq baş məşqçisi Adil Şükürovun komandası ilə birgə çalışacağını bildirib. Bunlar Zaur Həşimovla qapıçılarla işləyən Anar Niftəliyevdir: "Bildiyiniz kimi, Niftəliyevlə əsas komandada məşqçi işlədiyim zamanı birgə çalışmışam. Həşimovu isə çoxdan tanıyıram. Korpusumda daha bir məşqçimin olması nəzərdə tutulub. Buna görə də daha bir köməkçim olacaq".
Maraqlıdır, bu, Abbasovla birgə Adil Şükürovun köməkçisi olmuş Elnur Çodarov ola bilərmi? Abbasovu dinləyək: "Məlum olduğu kimi, Çodarov U-19 komandamızda işləyir. Onsuz biz "Zirə"nin məşçqiləri birgə çalışırıq. Ancaq aşağı yaş qruplardan ibarət komandalarımızı, onların başında olan məşqçiləri nəzərə almalıyıq. Yanvarın 4-də bir araya gəldiyimiz zamanı yeni məşqçi məsələsi, əvəzedici heyətdə məni əvəzləcəyək mütəxəssisə, hazırlıq planlarımıza tam aydınlıq gələcək. İlkin olaraq Zirədə yığışıb burada hazırlıq keçəcəyik. Bundan sonra harada təlim-məşq toplanışımızın olacağına aydınlıq gəlməyib. Bu, dəqiqləşəndən sonra açıqlama verəcəyik".
Mehman SÜLEYMANOV
