"Qarabağ"ın sabiq qapıçısı Miro Varvodiçin yeni klubu müəyyənləşib. Sportnet.az-ın məlumatına görə, 27 yaşlı qolkiper Avstriya I Liqasında mübarizə aparan "Horn"a keçib.
Onunla 2018-ci ilin yayınadək müqavilə bağlanılıb. Bu, "Horn"un ilk qış transferi olub.
Qeyd edək ki, Miro Varvodiç 2012-ci ilin iyunundan 2013-cü ilin dekabrınadək "Qarabağ"da çıxış edib. Xorvatiyalı qapıçının ilk klubu "Hayduk" olsa da, sonradan o, "Mosor" və Almaniya "Köln"ündə icarə əsasında, Ağdam klubundan ayrılmasının ardından isə "Qröyter Fürt"də forma geyinib.
