"Sumqayıt" klubu baxışa iki futbolçu dəvət edib. Bu barədə Sportnet.az-a klub prezidenti Kamran Quliyev məlumat verib.
O, bildirib ki, baxışda olan hər iki futbolçu yerlidir.
Azərbaycanın U-21 yığmasının sabiq üzvü Sergey Çernışov və Fərhad Qıstarov komanda ilə birgə Türkiyə toplanışında iştirak edəcək. Baş məşqçi Samir Abasovu futbolçular haqda müsbət rəy verəcəyi təqdirdə, müqavilə imzalanacaq.
Qeyd edək ki, Qıstarov Rusiyanın "Rostov" klubunun yetirməsidir. Çernışov isə vaxtı ilə "Rəvan"da çıxış edib.
