Türkiyənin Antalya bölgəsində təlim-məşq toplanışında olan Bakı "İnter"i Qazaxıstanın "Ordabası" klubu ilə yoxlama matçı keçirib.
Sportnet.az-ın məlumatına görə, görüş qolsuz nəticələnib - 0:0. Bu, "İnter"in Antalyada ilk görüşü olub.
Komandanın baş məşqçisi Zaur Svanadze kifayət qədər normal oynadıqlarını bildirib: "Hər iki hissədə fərqli heyətlə çıxdıq, Zurab Xizanişvili istisna olmaqla, hamıya şans verdik. Müdafiədə çox ciddi oynadıq, demək olar, səhvə yol vermədik. Bütövlükdə ilk yoxlama matçından razı qaldım".
