Azərbaycan milli komandasının məşqçiləri Qordan Tsipriç və Draqan Spaşiç Türkiyənin Antalya şəhərinə yollanıb. Sportnet.az-ın məlumatına görə, baş məşqçi Robert Prosineçkinin köməkçiləri 21 yaşadək futbolçulardan ibarət yığmanın Antalyada "Germania Egestorf" komandası ilə keçirdiyi oyunu izləyiblər.
Hər iki məşqçi Yaşar Vahabzadənin rəhbərlik etdiyi yığmanın keçirdiyi digər yoxlama oyunlarına və hazırda Antalyada toplanışda olan klubların bir neçə oyununa baxıblar.
Qeyd edək ki, millinin baş məşqçisi Robert Prosineçkinin Antalyaya yollanması planlaşdırılsa da, şəxsi işləri ilə əlaqədar paytaxtda qalmalı olub.
