Bu gün futbol üzrə Azərbaycan Premyer Liqasında XV tura start verilib. Sportnet.az-ın məlumatına görə, turun ilk oyun günündə iki qarşılaşma keçirilib.
İlk oyunda "Qəbələ" və "Sumqayıt" komandaları üz-üzə gəlib. Qəbələ şəhər stadionunda keçirilən matçda qalib müəyyənləşməyib. Oyunda ilk qolu 53-cü dəqiqədə "Sumqayıt"ın futbolçusu Məhəmməd Qurbanov vurub. Lakin 6 dəqiqə sonra meydan sahiblərinin heyətində Vitali Vernidub fərqlənib - 1:1. Oyun bu hesabla da başa çatıb. "Qəbələ" hazırda 32 xalla turnir cədvəlinin birinci pilləsində qərarlaşıb. Xal ehtiyatını "Sumqayıt"ın 18-ə çatdıran "Sumqayıt" isə 4-cüdür.
Günün son qarşılaşması isə "İnter Arena"da olub. Bakının "İnter" klubu Gəncə "Kəpəz"ini sınağa çəkib. Oyunda hesabı açan tərəf qonaqlar olub. Turaln Axundov 39-cu dəqiqədə topu cərimə zərbəsindən qapıya göndərib. İlk hissəyə əlavə olunmuş 2-ci dəqiqədə Nizami Hacıyev bərabərlik topunun müəllifi olub. Birinci 45 dəqiqə bu hesabla yekunlaşıb. İkinci hissədə isə azarkeşlər meydan sahiblərinin ifasında çox qollu oyun izləyib. Oyunun 53-cü dəqiqəsində Fuad Bayramov, 8 dəqiqə sonra Abbas Hüseynov, 79-cu dəqiqədə isə Rauf Əliyev "İnter"in qollarının müəllifi olub. Görüş "İnter"in 4:1 hesbalı qələbəsi ilə bitib. Bu nəticədən sonra "İnter" 28 xalla 3-cü pillədə möhkəmlənib. Aktivində 15 xal olan "Kəpəz" isə 6-cıdır.
Tura sabah keçiriləcək "Zirə" - AZAL və "Qarabağ" - "Neftçi" oyunları ilə yekun vurulacaq.
Azərbaycan Premyer Liqası, XV tur
28 yanvar
15:00. "Qəbələ" - "Sumqayıt" - 1:1
Qollar: Vitali Vernidub, 59 - Məhəmməd Qurbanov, 53
Hakimlər: Əliyar Ağayev, Zeynal Zeynalov, Rza Məmmədov, Rəvan Həmzəzadə
AFFA nümayəndəsi: Arif Fərəcov
Hakim-inspektor: Şaiq Həmidov
Qəbələ şəhər stadionu
17:30. "İnter" - "Kəpəz" - 4:1
Qollar: Nizami Hacıyev, 45+2. Fuad Bayramov, 53. Abbas Hüseynov, 61, Rauf Əliyev, 79 - Tural Axundov, 40
Hakimlər: Rəhim Həsənov, Namiq Hüseynov, Akif Əmirəli, Ziya Nəsirov
AFFA nümayəndəsi: Nüvər Xasıyev
Hakim-inspektor: Məlik Həsənov
"İnter Arena"
Qeyd edək ki, turun digər iki oyunu sabah keçiriləcək. "Zirə" AZAL-ı, "Qarabağ" isə "Neftçi"ni qəbul edəcək.
