Azərbaycan Premyer Liqasında mübarizə aparan klubların əvəzedici heyətlərinin mübarizəsində XV tura yekun vurulub. Sportnet.az-ın məlumatına görə, bu gün keçirilmiş hər iki qarşılaşma meydan sahiblərinin 2:1 hesablı qələbəsi ilə yekunlaşıb.
"Zirə" İlham Qurbanovun rəhbərliyi altında çıxdığı ilk görüşdə AZAL-ı üstələməyi bacarıb.
"Qarabağ” isə 13-cü dəqiqədə Eltun Turabovun qırmızı vərəqə almasından sonra azlıqda qalmasına baxmayaraq, "Neftçi"yə qalib gəlib. Tofiq Bəhramov adına Respublika stadionunda keçirilmiş görüşdə Ağdam təmsilçisinin əsas heyət üzvü Riçard Almeyda dubl edib. Görüş zamanı yeni transfer Elşən Abdullayev də meydanda olub.
Bu qələbə sayəsində xallarını 30-a çatdıran "Qarabağ” "Neftçi"ni keçərək, ikinci pilləyə yüksəlib. Turnir cədvəlinə isə 32 xalla "Qəbələ" rəhbərlik edir.
Əvəzedicilərin çempionatı, XV tur
28 yanvar
"Zirə” - AZAL - 2:1
Qollar: Tapdıq Əhmədov, 25. Murad Səttarlı, 49 - Seyidrəzi Ağayev, 78
"Qarabağ” - "Neftçi” - 2:1
Qollar: Riçard Almeyda, 74; 90+3 - Aqşin Qurbanlı, 87
27 yanvar
"Qəbələ” - "Sumqayıt” - 3:1
Qollar: Ramil Hasanov, 52; 68. Tural Məmmərzəyev, 82 - Süleyman Piriyev, 14-penalti ilə
"İnter” - "Kəpəz” - 0:0
