"Özünüz hər şeyi gördünüz. Mənə ünvanlayacağınız sualları da bilirəm".
Sportnet.az xəbər verir ki, bunu AZAL-ın baş məşqçisi Tərlan Əhmədov "Qəbələ"yə 0:2 hesabı ilə uduzduqları Azərbaycan Premyer Liqasının XVII tur matçından sonra mətbuat konfransında deyib. 46 yaşlı mütəxəssis heç bir suala cavab verməyəcəyini söyləyib və mətbuat konfransını tərk edib.
Qeyd edək ki, oyunun 73-cü dəqiqəsində Rəşad Abdullayevin yerinə yetirdiyi cərimə zərbəsindən sonra top "Qəbələ"nin hücumçusu Daniel Subotiçin əlinə dəysə də, baş hakim İnqilab Məmmədov penalti təyin etməyib.
