"Neftçi"nin keçmiş futbolçuları Dario Melnyak və Vançe Şikov özlərinə yeni komanda tapıblar. Sportnet.az-ın məlumatına görə, hər iki müdafiəçi karyerasını öz vətənində davam etdirəcək.
Müqavilə hüququ Belçika "Lokeren"inə məxsus olan xorvatiyalı Melnyak keçmiş komandası "Slaven Belupo"ya mövsümün sonunadək icarəyə verilib. Makedoniyalı Vançe Şikov isə "Rabotniçki" ilə müqavilə bağlayıb.
Qeyd edək ki, hər iki legioner "Neftçi"yə cari mövsümün əvvəllərində keçib. Lakin onlar Lakin 2016-cı il oktyabrın 29-da Azərbaycan Premyer Liqasının X tur matçında "Qəbələ"yə 1:4 hesablı səfər məğlubiyyətindən sonra əvvəlcə əvəzedici heyətə, sonra isə ümumiyyətlə klubdan göndəriliblər.
