"Mən "Qarabağ"ın vəkili deyiləm. Qurban Qurbanovla həyatda dostam. Onun övladları, qızı mənə baba deyir. Ancaq bizim münasibətlərin işə heç dəxli yoxdur".
Sportnet.az-ın məlumatına görə, bunu Peşəkar Futbol Liqasının preziednti Ramin Musayev deyib.
"Qarabağ" və "Zirə" klubları arasında yaxın münasibətlərin olması ilə bağlı gəzən söz-söhbətlərə münasibət bildirən qurum rəhbəri belə şeylərin həqiqətəuyğun olmadığını söyləyib: "Əvvəla, bu 2 klubun rəhbərləri arasında heç bir yaxın münasibət yoxdur. Bu, dəqiqdir. Qurban müəllim dindar adamdır. O, heç vaxt haram şeyə getməz. "Qəbələ" ilə "Zirə" arasındakı matçda heç-heçə hakim səhvi üzündən oldu. Burda nə "Qəbələ"nin, nə "Zirə"nin, nə də "Qarabağ"ın günahı var. Belə əsassız söz-söhbətləri qabartmaqla düzgün etmirsiniz. Bununla da "Zirə" klubunun sponsorlarını futboldan iyrəndirirsiniz. Onları futboldan küsdürmək olmaz".
