"Topuğum bir anda çevrildi. Allah saxladı ki, ayağım sınmadı. Dartınma var, qansızma. MRT-dən sonra daha dəqiq bilinəcək durum nə yerdədi. Amma ağırdı vəziyyət. Çətin ki, tez qayıdam məşqlərə. Bir-iki həftəyə düzəlsəm böyük şeydi”. Bunu Sportnet.az-a açıqlamasında AZAL-ın üzvü Kamal Mirzəyev deyib.
Premyer Liqanın 24-cü turunun "İnter”lə oyununda 15-ci dəqiqədə zədələnərək yerini Samir Məsimova buraxan Mirzəyev həmin epizodla bağlı fikirlərinə bu cür davam edib: "Pərdis Fərcad-Azad toxundu bir az. Həm də meydança sünii olduğundan zədə alma rismi 99 faizdi. Bir faiz isə, bəxtin gətirsə, zədə almırsan. Ancaq belə alındı. Bəli, Pərdis axşam zəng edib hal-əhval tutdu”.
Mirzəyev komandasının birinci diviziona
yuvarlanması barədə isə bunları deyib: "Oyuna ciddi hazırlaşmışdıq. Çətin oyun
olacağını da yaxşı bilirdik. Hamımız uduzmamaq üçün çox can yandırdıq. Ancaq
yenə də alınmadı. Qarşıdakı oyunlara hazırlaşacağıq. Zədə hər futbolçunun
başına gələ bilər. Buna çox da üzülmürəm. AZAL-da futbol üçün çox gözəl şərait
var. AFFA da istəməz ki, AZAL aşağı liqaya düşsün. Ancaq hələ ki, heç nə dəqiqləşməyib”.
