Azərbaycan Premyer Liqasının XXV turu çərçivəsində "Qəbələ”ni qəbul edəcək "Qarabağ”da iki itki var.
Klubdan Sportnet.az-a verilən məlumata görə, zədə üzündən Bədavi Hüseynovla Riçard Almeyda çempionluq üçün böyük əhəmiyyət kəsb edən qarşılaşmada iştirak etməyəcəklər.
Bosniya və Herseqovinalı qapıçı İbrahim Şehiçin oynayıb-oynamayacağı isə matç günü bəlli olacaq. Heyətdə cəzalı yoxdur.
Qeyd edək ki, aprelin 9-da Tofiq Bəhramov adına Respublika stadionunda keçiriləcək "Qarabağ” – "Qəbələ” oyunu saat 20:30-da başlayacaq.
