Veteran futbolçular Stiven Cerrard və Frenk Lempardın adları İngiltərə futbolunun Şöhrət Zalına daxil edilib.
Sportnet.az xəbər verir ki, bu barədə Milli Futbol Muzeyinin rəsmi saytında məlumat yerləşdirilib.
Bu şərəfə layiq görülənlər arasında 2011-c ildə 42 yaşında intihar edən Uels yığmasının kapitanı Hari Spid də var. İngiltərə Premyer Liqasında çıxış edən futbolçuların Şöhrət Zalına daxil edilməsi mərasimi muzeyin yerləşdiyi Mançester şəhərində baş tutub.
Qeyd edək ki, S.Cerrard karyerası ərzində İngiltərə klublarından yalnız "Liverpul”un formasını geyinib. F.Lempard "Vest Hem”, "Çelsi” və "Mançester Siti”də, H.Spid isə "Lids”, "Şeffild Yunayted” "Everton”, "Bolton” və "Nyukasl”da çıxış edib.
