Rusiyanın "Spartak” klubu ciddi itki ilə üzləşib.
Sportnet.az-ın məlumatına görə, əslən azərbaycanlı olan futbolçusu Aleksandr Səmədov Çempionlar Liqasının "Sevilya”ya qarşı matçında (5:1) zədələnib. 33 yaşlı futbolçu matçın 25-ci dəqiqəsində əvəzlənib. Yarımmüdafiəçi 3 həftə komandasına kömək edə bilməyəcək.
Qeyd edək ki, Aleksandr Səmədov bu mövsüm 13 qarşılaşmada iştirak edib və rəqib qapılarından 2 top keçirib.
