İspaniyanın "Valensiya" klubunun baş məşqçisi Marselino Toral 2 oyunluq cəzalanıb. Sportnet.az-ın məlumatına görə, bu barədə İspaniya Futbol Federasiyasının İntizam Komitəsi qərar qəbul edib.
Səbəb kimi "yarasalar"ın "Espanyol"a 0:2 hesabı ilə uduzduqları səfər matçında 52 yaşlı mütəxəssisin hakimlərə etirazı nəticəsində texniki zonadan qovulması göstərilib. "Valensiya"nın apellyasiyası da nəticə verməyib.
Beləliklə, Toral "Barselona" və "Xetafe" ilə oyunları buraxacaq.
Qeyd edək ki, La Liqada 13 turdan sonra "Barselona" 34 xalla 1-ci, "Valensiya" 30 xalla 2-ci pillədə qərarlaşıb. "Xetafe" isə 16 xalla 10-cudur.
