Yaşar Vahabzadəni futbolçu kimi də izləmişik. Yunis Hüseynov onu özünə köməkçisi kimi məsələhət bilib. Düşünürəm ki, "Kəpəz” üçün xeyirli olacaq.
Bu sözləri "Kəpəz” klubunun azarkeşlərlə iş üzrə əlaqələndiricisi və mühafizə xidmətinin rəisi Elmar Əliyev Sportnet.az-a açıqlamasında söyləyib.
O, Yaşar Vahabzadənin 21 yaşadək futbolçulardan ibarət milli komandada uğursuz nəticələr qazandığından xəbərdar olduqlarını deyib:
"İnanırıq ki, "Kəpəz”də Yunis Hüseynovla birlikdə yaxşı nəticələr qazanacaq. Yunis müəllim onu yaxşı məşqçi kimi qiymətləndirib və komandaya dəvət edib. Azarkeşlər istəyirik ki, klub əvvəlki əzəmətini geri qaytarsın. Son oyunlardakı nəticələrə görə Gəncə sakinləri komandadan inciyiblər. Futbolçular və məşqçi heyəti çalışmalıdr ki, o azarkeşləri tribunalara geri qaytarsınlar. Mən inanıram ki, komandaya yeni futbolçular cəlb olunandan sonra "Kəpəz” uğurlu nəticə göstərməklə azarkeşlərlə soyuqluğu aradan qaldıracaq".
