Türkiyənin "Trabzonspor" klubu yanvarda müdafiəçi transfer etmək istəyir.
Sportnet.az-ın "Habertürk"ə istinadən verdiyi məlumata görə, komanda Yunanıstanın "Panatinaikos" klubunun braziliyalı müdafiəçisi Rodrigo Moledonu Trabzona gətirməyi planlaşdırır. Qara dəniz təmsilçisi 30 yaşlı Moledodan başqa "Milan"da çıxış edən Palettanı da gündəminə alıb. Komanda bu iki futbolçu ilə müdafiə xəttini gücləndirmək niyyətindədir.
Qeyd edək ki, Rodriqo Moledo "Panatinaikos"un heyətində Avropa Liqasının 3-cü təsnifat mərhələsində "Qəbələ"yə qarşı oynayıb. Müdafiəçi 1:0 hesabı ilə qələbə qazandıqları matçın cavab oyununda avtoqol müəllifi olub. Həmin matç "Qəbələ"nin 1:2 hesablı məğlubiyyəti ilə başa çatıb.
