Kiprin "Anortosis" klubunun rəhbərliyi Azərbaycan milli komandasının futbolçusu Araz Abdullayevi komandada uzun müddət saxlamaq üçün hərəkətə keçib. Sportnet.az-ın yerli mətbuata istinadən məlumatına görə, Famaqusta təmsilçisi "Qəbələ"dən icarəyə götürdüyü Abdullayevin müqaviləsindəki bənddən yararlanmaq istəyir.
Həmin bəndə əsasən, "Anortosis" bəyənəcəyi təqdirdə, 25 yaşlı yarımmüdafiəçini birdəfəlik transfer edə bilər. Lakin bu zaman "Qəbələ"yə 150 min avro ödəmək lazımdır.
Qeyd edək ki, Araz Abdullayev "Anortosis"in heyətindəki uğurlu çıxışı ilə diqqət mərkəzinə düşüb.
