Türkiyə futbolunun və "Qalatasaray"ın canlı əfsanəsi, "Bakı" klubunun sabiq baş məşqçisi Bülent Korkmaz 20 Yanvar - Ümumxalq Hüzn gününə biganə qalmayıb.
Sportnet.az-ın məlumatına görə, 50 yaşlı mütəxəssis növbəti dəfə Azərbaycan xalqının kədərinə şərik çıxıb. O, yayımladığı başsağlığı mesajında "20 Yanvar qətliamı. Vətəni və millətinin müstəqilliyi üçün can verən əziz şəhidlərimizi rəhmət və minnətlə anıram" yazıb.
Qeyd edək ki, Bülent Korkmaz 18 sentyabr 2009-cu ildən 22 mart 2010-cu ilədək "Bakı" komandasının baş məşqçisi olub.
