Qış fasiləsindən sonra ilk oyununu Azərbaycan Premyer Liqasının XV turunda doğma meydanda "Səbai"ə qarşı keçirəcək "Keşlə” bu oyunun hazırlıqlarını davam etdirir.
Klubun mətbuat xidmətinin rəhbəri Səbuhi Məmmədovun Sportnet.az-a verdiyi məlumata görə, Aqşin Quluzadə komanda ilə birgə məşqlərə qatılmır. Yarımmüdafiəçi fərdi məşqlərlə kifayətlənir. Keçən ilin sonunda dizindən əməliyyat olunan futbolçunun "Səbail"lə matçda iştirak etməyəcəyi dəqiqdir.
Qeyd edək ki, fevralın 11-də "İnter Arena"da baş tutacaq "Keşlə" - "Səbail" görüşü saat 15:00-da start götürəcək.
