"Kəpəz" klubu "Neftçi" ilə oyun ərəfəsində daha bir problemlə üzləşib. Sportnet.az-ın məlumatına görə, Gəncə komandası heyətinə qaytardığı hücumçu Dario Frederikonun xidmətindən yararlana bilməyəcək.
Səbəb braziliyalı hücumçunun Cənubi Koreya Futbol Federasiyasından transfer sənədinin gəlməməsidir. "Kəpəz"in digər itkiləri cəzalı Dedimar Fereyra ilə zədəli Murad Səttarlıdır.
"Neftçi"də isə yeni transfer Mayk Kampasın transfer vərəqəsi Kosta Rikadan gəlib çıxmayıb. Ona görə 30 yaşlı yarımmüdafiəçi də bu matçda iştirak etməyəcək.
Qeyd edək ki, oyun saat 17:30-da başlanacaq.
