"Qarabağ" klubunun bu mövsüm Çempionlar Liqasından əldə etdiyi qazancı müəyyənləşib.
Sportnet.az-ın məlumatına görə, Azərbaycan təmsilçisi III təsnifat mərhələsinə yüksəlməsi qarşılığında üst-üstə 1,14 milyon avroya sahib olub. Bu məbləğin 280 min avrosu Ağdam komandasına Avropanın ən nüfuzlu klub turnirində iştirak etməsi səbəbindən çatacaq. Daha 380 min avro Sloveniya "Olimpiya"sını üstələdikdən (1:0, 0:0) sonra klubun hesabına daxil olacaq. 480 min avro isə bu kluba Albaniya təmsilçisi "Kukesi" (0:0, 3:0) səddini aşması ilə əlaqədar qismət olub.
Qeyd edək ki, "Qarabağ" Çempionlar Liqasının III təsnifat mərhələsində Belarus BATE-si ilə üz-üzə gələcək. İlk görüş 7-8 avqustda Bakıda, cavab oyunu 14 avqustda Borisov şəhərində olacaq.
