Topaz Premyer Liqasında ilk turun növbəti görüşü Qəbələ şəhər stadionunda eyniadlı komanda ilə "Səbail" arasında keçirilir.
Sportnet.az-ın məlumatına görə, qarşılaşmanı çox az sayda azarkeş izləyir. Onların arasında qonaq tərəfdarlar da var.
Matçdan əvvəl komandaların kapitanları Ürfan Abbasovla Rahid Əmirquliyev dövlət himninin sədaları altında Azərbaycan bayrağını qaldırmağa yollanıblar. Bu zaman Əmirquliyev bayrağı ucaltmağı gənc Abbasova həvalə edib. Daha sonra o, himni oxumaması ilə diqqət çəkib. Təcrübəli yarımmüdafiəçi daha əvvəl Azərbaycan millisinin oyunu zamanı da himni oxumadığı üçün tənqidlərlə qarşılaşmışdı.
Qeyd edək ki, hazırda "Qəbələ" öndədir - 1:0. Yeganə topu 21-ci dəqiqədə Asif Məmmədov vurub.
