"Krılya Sovetov" klubu Rusiya Premyer Liqasında ikinci qələbəsini qazanıb.
Sportnet.az-ın məlumatına görə, Samara təmsilçisi IV turda autsayder "Anji"yə minimal hesabla qalib gəlib - 1:0. Yeganə qolu 83-cü dəqiqədə Sergey Kornilenko vurub.
"Krılya Sovetov"un baş məşqçisi Andrey Tixonov bu görüşdə Azərbaycan millisinin hücumçusu Ramil Şeydayevin xidmətindən yararlanmayıb. 22 yaşlı hücumçu sonadək ehtiyatda qalıb.
Samara komandası bu qələbə sayəsində 7 xalla 7-ci pilləyə yüksəlib. 3 xala malik "Anji" isə sonuncudur.
Qeyd edək ki, turun açılış oyununda "Rostov" "Rubin"lə heç-heçə edib - 1:1. Meydan sahiblərinin heyətində əslən azərbaycanlı Ayaz Quliyev sonadək meydanda olub.
