Buenos Ayres polisi Argentinanın "River Pleyt" və "Boka Xuniors" komandaları arasındakı Libertadores Kubokunun final cavab oyunundan əvvəl "Monumental" stadionu qarşısındakı çaxnaşma ilə əlaqədar ən azı 29 nəfəri saxlayıb.
Sportnet.az xəbər verir ki, bu barədə polisdəki mənbəyə istinadən EFE agentliyi məlumat yayıb. "River Pleyt" fanatları rəqib komandanın avtobusuna hücum ediblər. Hücum nəticəsində "Boka Xuniors"un bir neçə oyunçusu xəsarət alıb. Polis azarkeşləri sakitləşdirmək üçün gözyaşardıcı qazdan yararlanıb.
Hadisə zamanı stadionun önündə 100 mindən çox insan olub. Görüş isə bu gün saat 24:00-a təxirə salınıb.
Qeyd edək ki, iki komanda arasındakı ilk görüşdə qalib müəyyənləşməyib - 2:2.
