Türkiyədə təlim-məşq toplanışında olan "Zirə" komandası növbəti yoxlama oyununu keçirib.
Sportnet.az-ın məlumatına görə, rəqib Nigeriya "Hartlend"i olub. Qızılcahamam stadionunda təşkil olunmuş qarşılaşma "Zirə"nin böyük hesablı qələbəsi ilə yekunlaşıb - 5:0. İlk yarıda yeganə qolu Miloş Bakraç vurub. Fasilədən sonra ardıcıl olaraq, Nicat Süleymanov, penaltidən Şafik Tiqrudca, Robin Nqalande və Tellur Mütəllimov fərqlənib.
"Zirə" oyuna bu "11-lik"lə çıxıb: 28. Boyan Zaqoviç, 4. Elvin Camalov, 5. Anastasios Papazoğlu, 8. İlkin Muradov, 10. Elvin Məmmədov, 14. Cavid Hüseynov (kap.), 18. Xulio Sezar Rodriges, 23. Mfo Kqasvane, 25. Miloş Bakraç, 27. Adrian Skarlatake, 70. Nicat Süleymanov
