2020-ci il Avropa çempionatının seçmə mərhələsində son tura start verilib.
Sportnet.az-ın məlumatına görə, X turun ilk oyun günündə 3 qrupda 7 qarşılaşma keçirilib. A qrupunda İngiltərə ilə Çexiya, H qrupunda isə Fransa və Türkiyənin final mərhələsinə vəsiqə qazanması dəqiqləşib. İngiltərə bu tur Kosovonu səfərdə darmadağın edibsə, Çexiya səfərdə Bolqarıstana uduzub.
B qrupunda Portuqaliya səfərdə Lüksemburqa qalib gələrək, mərhələ adlayıb. Serbiya isə qrup lideri kimi AVRO-2020-yə yüksəlmiş Ukrayna ilə heç-heçə edib.
H qrupunda isə Fransa səfərdə Albaniyanı, Türkiyə isə Andorranı eyni hesabla yenib. Beləliklə, Fransa qrup lideri, Türkiyə qrup ikincisi kimi mərhələ adlayıb. İslandiya isə səfərdə Moldovaya qalib gəlib.
-----------------------------------
Portuqaliya milli komandası AVRO-2020-yə seçmə mərhələ vasitəsilə də vəsiqə qazanıb.
Sportnet.az-ın məlumatına görə, B qrupunda yer alan pireneylilər son tur matçında səfərdə Lüksemburqa qalib gəliblər - 2:0. Hesabı 39-cu dəqiqədə Brunu Fernandeş açıb. Kriştianu Ronaldu isə 86-cı dəqiqədə son nöqtəni qoyub.
Qrupun digər matçında Serbiya evdə Ukrayna ilə heç-heçə edib - 2:2.
Bununla da xallarını 17-yə çatdıran Portuqaliya 20 xala malik Ukrayna ilə birgə mərhələ adlayıb.
Qeyd edək ki, bunadək 16 yığma seçmə mərhələ vasitəsilə AVRO-2020-də iştirak hüququna yiyələnib.
-----------
AVRO-2020
Seçmə mərhələ
17 noyabr
A qrupu
21:00. Bolqarıstan - Çexiya - 1:0
Qol: Vasili Bojikov, 56
21:00. Kosovo - İngiltərə - 0:4
Qollar: Harri Uinks, 32. Harri Keyn, 79. Markus Reşford, 83. Meyson Maunt, 90+1
Xal durumu: İngiltərə - 21 xal (8 oyuna), Çexiya - 15 (8), Kosovo - 11 (8), Bolqarıstan - 6 (8), Monteneqro - 3 (8).
B qrupu
18:00. Lüksemburq - Portuqaliya - 0:2
Qollar: Brunu Fernandeş, 39. Kriştianu Ronaldu, 86
18:00. Serbiya - Ukrayna - 2:2
Qollar: Duşan Tadiç, 9. Aleksandar Mitroviç, 56 - Roman Yaremçuk, 32. Artyom Besedin, 90+3
Xal durumu: Ukrayna - 20 xal (8 oyuna), Portuqaliya - 17 (8), Serbiya - 14 (8), Lüksemburq - 4 (8), Litva 1 (8)
H qrupu
23:45. Albaniya - Fransa - 0:2
Qollar: Korentin Tolisso, 9. Antuan Qrizmann, 30
23:45. Andorra - Türkiyə - 0:2
Qollar: Enes Ünal, 17; 21 (penalti ilə)
23:45. Moldova - İslandiya - 1:2
Qollar: Nikolae Milinçyanu, 56 - Birkir Byarnason, 17. Gilfi Siqurdsson, 65
İstifadə olunmamış penalti: Gilfi Siqurdsson, 79 (İslandiya)
Xal durumu: Fransa - 25 xal (10 oyuna), Türkiyə - 23 (10), İslandiya - 19 (10), Albaniya - 13 (10), Andorra - 4 (10), Moldova - 3 (10).
