"Neftçi”nin sponsoru "Türk Hava Yolları”nın dəstəyi ilə İstanbula gediş-gəliş bileti qazanmaq üçün "Sabah”la Azərbaycan Premyer Liqasının XX tur matçının fasiləsində 8 azarkeşin iştirakı ilə penalti yarışı təşkil olunub.
Sportnet.az klubun rəsmi saytına istinadən xəbər verir ki, zərbələri daha dəqiq yerinə yetirən Səbuhi Vəlizadə 1-ci yeri tutub. 2-ci yerin sahibi Hafiz Nəbiyev isə "Buta Qlobal Enerji Tekstil”dən hədiyyə kuponu qazanıb.
Hər iki azarkeşə mükafatı "Neftçi”nin Media, Marketinq və İctimaiyyətlə Əlaqələr Departamentinin rəhbəri Rüstəm Allahverdiyev təqdim edib. Digər 6 iştirakçı – Əlinağı Bakılı, Kamran Əliyev, Niyaz Niyaz, Ayxan Abdullayev, Nicat İbadov və Murad İsmayılzadə isə "Park Cinema”nın kinoteatrlarından illik bilet əldə ediblər.
Qeyd edək ki, görüş "Neftçi"nin qələbəsi ilə yekunlaşıb - 4:0.
