Bu gün AFFA və Azərbaycan Cüdo Federasiyasının prezidenti (ACF) Rövnəq Abdullayevin 55 yaşı tamam olur.
Sportnet.az-ın məlumatına görə, R.Abdullayev 1965-ci il aprelin 3-də Naxçıvanda anadan olub. O, 2005-ci ildən SOCAR-a, 2008-ci ildən AFFA-ya, 2015-ci ildən isə ACF-yə başçılıq edir.
Daha əvvəl R.Abdullayev III, IV və V çağırışda Azərbaycan Milli Məclisinin deputatı kimi, 2004 - 2008-ci illərdə isə "Neftçi" klubunun prezidenti vəzifəsində çalışıb. Onun rəhbərliyi altında "ağ-qaralar" iki dəfə (2004, 2005) Azərbaycan çempionu, eləcə də ölkə kubokunun (2004) və Birlik Kubokunun (2006) qalibi olub.
