“Zirə” və "Sabah" arasında Azərbaycan Premyer Liqasının III tur qarşılaşması iki rəqibin çempionatda 8-ci görüşü olacaq.
Sportnet.az-ın məlumatına görə, sentyabrın 20-də Zirə İdman Kompleksinin stadionunda baş tutacaq matç saat 18:00-da başlanacaq.
İndiyədək “qartallar” 7 dəfə “Sabah”la üz-üzə gəlib. İlk dəfə 2018/2019 mövsümündə qarşılaşan rəqiblər həmin çempionatda 4, 2019/2020 mövsümündə 3 dəfə görüşüb. Son dörd matçda uduzmayan “Zirə”nin hesabında 2 qələbə və 2 heç-heçə var. Komanda 3 dəfə məğlubiyyətlə üzləşib. Rəqib qapısına 9 dəfə yol tapan futbolçularımız eyni sayda qol buraxıb.
Öz meydanında 5-ci dəfə bu rəqibi sınağa çəkəcək “qartallar” 1 qələbə və 1 heç-heçəyə nail olub, 2 dəfə uduzub. Evdə üç top vuran komanda 5 qol buraxıb.
