Sabah Azərbaycan Premyer Liqasında 2020/2021-ci illər mövsümünün mükafatlandırma mərasimi keçiriləcək.
Sportnet.az PFL-in rəsmi saytına istinadən xəbər verir ki, son turun “Dalğa Arena”da keçiriləcək “Neftçi” – “Qarabağ” görüşündən sonra baş tutacaq mərasimdə gümüş və bürünc mükafatçılara medallar, çempion komandaya isə medallar və kubok təqdim olunacaq.
Tədbirə KİV nümayəndələri dəvətlidir.
Qeyd edək ki, "Sabah" - "Zirə" və "Səbail" - "Sumqayıt" matçları saat 18:00-da, "Neftçi" - "Qarabağ" qarşılaşması isə saat 20:30-da başlanacaq. Hazırda "Qarabağ"ın 57, "Neftçi"nin 56, "Zirə"nin 38, "Sumqayıt"ın 36 xalı var.
Ötən mövsüm pandemiya ilə əlaqədar yarımçıq dayandırıldığından, qaliblər ayrı-ayrılıqda mükafatlandırılmışdılar.
