İtaliyanın "Yuventus" klubunun futbolçusu Pol Poqba zədə səbəbindən uzun müddət yaşıl meydanlarda çıxış etməyəcək. Sportnet.az-ın məlumatına görə, futbolçu çempionlar Liqasının 1/8 final mərhələsində "Borussiya" (Dortmund, Almaniya) ilə qarşılaşmada zədələnib.
Tibbi müayinədən sonra futbolçunun 2 ay müddətinə komandasını tribunadan izləyəcəyi məlum olub.
Qeyd edək ki, Pol Poqba A Seriyasında 22 oyunda meydana çıxıb və 7 qol vurub.
