"Rəvan"ın sabiq baş məşqçisi Güvənç Kurtar Türkiyədə çalışdığı "Adanaspor"dan da istefa verib. Sportnet.az-ın məlumatına görə, bu barədə "Adanaspor" klubunun mətbuat katibi Bülent Uzel yerli mətbuata açıqlama verib.
Onun sözlərinə görə, buna "Altınordu" məğlubiyyətindən sonra (1:3) komandanın ilk 6-lıq hədəfindən uzaqlaşması səbəb olub. Kurtar bu ilin yanvarında Adana təmsilçisinə baş məşqçi təyin olunmuşdu. Bu komandada azərbaycanlı futbolçu Cəmşid Məhərrəmov da çıxış edir.
Qeyd edək ki, Güvənç Kurtar ötən mövsümün ikinci yarısında "Rəvan"da çalışmış və komandanın aşağı dəstəyə enməsinə əngəl ola bilməmişdi.
