Futbol üzrə Azərbaycan Premyer Liqasında XVI tura yekun vurulub.
Sportnet.az-ın məlumatına görə, turun son oyununda "Zirə" "Turan Tovuz"u qəbul edib. Zirə İdman Kompleksinin stadionunda keçirilən görüş meydan sahiblərinin qələbəsi ilə başa çatıb - 2:1.
Hesabı 74-cü dəqiqədə "qartallar"dan Filipe Paxtman açıb. 84-cü dəqiqədə paytaxt təmsilçisi rəqibi ikinci dəfə məyus edib. Qonaqların qapıçısı Kamal Bayramov topu öz qapısından keçirib. Son nöqtəni isə 86-cı dəqiqədə Tovuz klubundan Ayxan Hüseynov qoyub.
Bu qələbə ilə xallarını 26-ya çatdıran "qartallar" yenidən 4-cü pilləyə yüksəlib. 16 xalı olan "Turan Tovuz" isə 6-cı sırada qərarlaşıb.
Qeyd edək ki, turun əvvəlki oyunlarında “Qarabağ” “Neftçi”ni 4:0, “Qəbələ” “Səbail”i 2:1, "Sumqayıt" "Kəpəz"i 1:0 hesabı ilə üstələyib, “Şamaxı” isə Bakıda “Sabah”la heç-heçə edib - 1:1.
----------------------------------------------------
Misli Premyer Liqasında XVI turun daha bir oyunu keçirilib.
Sportnet.az-ın məlumatına görə, "Kəpəz" Gəncədə "Sumqayıt"ı qəbul edib. Autsayderlərin duelində qonaqlar minimal hesablı qələbə qazanıb. Yeganə qolu 89-cu dəqiqədə kapitan Vurğun Hüseynov vurub.
84-cü dəqiqədə "gənclik şəhəri" təmsilçisinin yarımmüdafiəçisi Vüqar Mustafayev ikinci sarı vərəqəni alaraq meydandan qovulub.
Bu nəticədən sonra "sarı-göylər" 10 xalla 9-cu, "gənclik şəhəri" təmsilçisi isə 9 xalla sonuncu - 10-cu pillədə qərarlaşıb.
Tura bu gün saat 17:00-da başlayacaq "Zirə" - "Turan Tovuz" matçı ilə yekun vurulacaq.
Qeyd edək ki, turun əvvəlki oyunlarında “Qarabağ” “Neftçi”ni 4:0, “Qəbələ” “Səbail”i 2:1 hesabı ilə üstələyib, “Şamaxı” Bakıda “Sabah”la heç-heçə edib - 1:1.
------------------------------------------------------
Misli Premyer Liqasında bu gün XVI tura yekun vurulacaq.
Sportnet.az-ın məlumatına görə, günün ilk matçında “Kəpəz” “Sumqayıt”ı qəbul edəcək.
Gəncə təmsilçisi 10 xalla doqquzuncu, sumqayıtlılar 6 xalla sonuncu – 10-cu sırada qərarlaşıb. İlk dövrədəki qarşılaşmada qolsuz bərabərlik qeydə alınıb. Bu komandalar arasında 2017-ci ildən bəri keçirilən son 5 oyunun heç birində “Kəpəz” qələbə qazana bilməyib.
Tura “Zirə” – “Turan Tovuz” görüşü ilə yekun vurulacaq. Meydan sahibləri 23 xalla beşinci, tovuzlular isə 16 xalla altıncı yerdədir. Birinci dövrədə Tovuzda baş tutan matçda “Zirə” 3:1 hesablı qələbə qazanıb.
Azərbaycan Premyer Liqası, XVI tur
4 dekabr
14:30. “Kəpəz” – “Sumqayıt” - 0:1
Qol: Vurğun Hüseynov, 89
Qırmızı vərəqə: Vüqar Mustafayev, 84 ("Sumqayıt")
Hakimlər: Tural Qurbanov, Cavanşir Yusifov, Rəhman İmami, Emin Əliyev
Hakim-inspektor: Babək Quliyev
Gəncə şəhər stadionu
17:00. “Zirə”– “Turan Tovuz” - 2:1
Qollar: Filipe Paxtman, 74. Kamal Bayramov, 84 - Ayxan Hüseynov, 86
Hakimlər: İnqilab Məmmədov, Namiq Hüseynov, Zeynal Zeynalov, Əli Əliyev
Hakim-inspektor: Ramil Diniyev
Zirə İdman Kompleksinin stadionu
Qeyd edək ki, turun əvvəlki oyunlarında “Qarabağ” “Neftçi”ni 4:0, “Qəbələ” “Səbail”i 2:1 hesabı ilə üstələyib, “Şamaxı” Bakıda “Sabah”la heç-heçə edib - 1:1.
