İspaniya "Real Madrid"inin futbolçusu Luka Modriç iki klubun maraq dairəsindədir.
Sportnet.az "Marca"ya istinadən xəbər verir ki, bunlar ötən gün Kriştiano Ronaldonun transferini açıqlayan Səudiyyə Ərəbistanının "Əl-Nəsr" və ABŞ-ın "İnter Mayami" klublarıdır. Ancaq 37 yaşlı yarımmüdafiəçinin ən az bir mövsüm də "kral klubun"da qalmaq istədiyi bildirilib.
Sözügedən komandalar xorvatiyalı oyunçunu 2024-cü ildə transfer etməyi planlaşdırır.
Qeyd edək ki, Luka Modriçin Madrid klubu ilə hazırkı müqaviləsi bu mövsümün sonuna kimidir. Təcrübəli futbolçu bu mövsüm "Real Madrid"də bütün turnirlərdə 18 oyuna çıxıb və 5 qol vurub.
