Xorvatiya Kubokunda finalçılar müəyyənləşib. Sportnet.az-ın məlumatına görə, Azərbaycan millisinin üzvü Ruslan Qurbanovun şərəfini qoruduğu "Hayduk" klubu yarımfinal mərhələsinin cavab görüşündə "Split"in qonağı olub.
Çikallesinin matçın 43-cü dəqiqəsində penaltidən vurduğu qol meydan sahiblərinə minimal hesablı qələbə qazandırıb - 1:0. İlk oyunda 1:1 hesabı qeydə alındığından, finala məhz RNK klubu yüksəlib.
Qurbanov 46-cı dəqiqəsində meydana çıxıb. Lakin o da komandasını məğlubiyyətdən xilas edə bilməyib.
Qeyd edək ki, finalda "Split"lə "Rieka"nı mübarizədən kənarlaşdırmış Zaqreb "Dinamo"su üz-üzə gələcək.
