Fransanın PSJ klubu baş məşqçisi Kristofer Qaltyeni istefaya göndərə bilər.
Sportnet.az "Relevo" nəşrinə istinadən xəbər verir ki, Paris təmsilçisinin prezidenti Nasser Əl-Xəlaifi 57 yaşlı mütəxəssisin taleyini həll etmək üçün bu gün klub rəhbərliyi ilə görüşəcək.
O, komandanın Almaniya "Bavariya"sına qarşı UEFA Çempionlar Liqasının 1/8 final mərhələsindəki oyunlarından narazı qalıb.
Ölkə çempionu Qaltye ilə vidalaşmaq qərarına gəlsə, almaniyalı Tomas Tuxel onun yerinə əsas namizəd olacaq.
Qeyd edək ki, PSJ "Bavariya"ya 0:1 və 0:2 hesabı ilə uduzaraq mübarizəni dayandırıb.Tuxel 2018 - 2020-ci illərdə Fransa təmsilçisinin sükanı arxasında olub.
