21 mart tarixində Niderlandın Alsmer şəhərində yekunlaşan "Flower Cup 2015” adlı beynəlxalq yarışın nəticələrinə əsasən Azərbaycan batutçuları Oleq Piunov və İlya Qrişunin 10 ən yaxşı gimnastların sırasına daxil olublar. Sportnet.az-ın məlumatına görə, Qrişunin 6-cı, onun komanda yoldaşı Piunov isə 8-ci yerdə qərarlaşıb.
Havada uçuş müddətinə görə hakimlərdən ən yüksək xal alan Oleq Piunov yarışın xüsusi mükafatına layiq görülüb.
Qeyd edək ki, bu kateqoriyada ümumi 42 iştirakçı mübarizə aparıb.
