Türkiyənin "Qalatasaray" klubu 2015-ci ildə ilk transferini gerçəkləşdirib. Sportnet.az-ın klubun rəsmi saytına istinadən məlumatına görə, "Kasımpaşa"nın futbolçusu Rayan Henk Donkla 2,5 illik müqavilə bağlanılıb.
30 yaşlı mərkəz müdafiəçisinin keçidindən ötrü keçmiş klubuna 2,5 milyon avro ödəniləcək. Oyunçunun özünə isə mövsümün sonunadək 750 min avro sabit əmək haqqı və start heyətində meydana çıxacağı 12-ci rəsmi matçından etibarən hər oyuna 15 min avro veriləcək. Növbəti 2 mövsümdə isə üst-üstə 3 milyon avro əmək haqqı, ilk "11-lik"dəki 25-ci rəsmi matçından etibarən 15 min avro bonus nəzərdə tutulub.
Qeyd edək ki, "Qalatasaray"da daha bir hollandiyalı - Uesli Sneyder də çıxış edir.
