"Qarabağ”la cavab qarşılaşmasının gərgin keçəçəyini bilirik. Təmsilçiniz çox yaxşı komandadır. Bunu ilk oyundaca nümayiş etdirdilər". Bunu Sportnet.az-a açıqlamasında Maltanın "Valetta” klubunun yeni transferi Rafael Kooh Sohna deyib.
Kamerunlu hücumçu bildirib ki, Maltadakı qarşılaşmada komandasının oyunu istənilən səviyyədə alınmayıb. Kooh Sohna cavab görüşü üçün iddialı danışıb: "Bakıda daha yaxşı oynayacağıq".
Bununla belə, 24 yaşlı forvard "Qarabağ"ın heyətində Çunbinyo və Reynaldonun "Valletta"ya "baş ağrısı” yaradacağrını da gizlətməyib.
Qeyd edək ki, Rafael Kooh Sohna "Qarabağ"la ilk oyununda meydana 72-ci dəqiqədə daxil olaraq, "Valletta"nın heyətində debüt edib.
Röya KƏRİMLİ
