Noyabrın
26-da Heydər Əliyev Fondunun təşkilatçılığı və Azərbaycanın Fransadakı
səfirliyinin dəstəyi ilə Parisdə "Bakı 2015” birinci Avropa
Oyunlarının təqdimat mərasimi keçiriləcək. Tədbir çərçivəsində qonaqlar
"Bakı 2015”ə həsr olunmuş bürünc heykəllərdən ibarət sərgi ilə tanış
olacaqlar.
"Biz birlikdə” adlanan bu sərgidə Azərbaycan heykəltəraşlarının 20-dən çox
əsəri nümayiş etdiriləcək.Daha sonra tədbir iştirakçılarına ilk Avropa
Oyunlarına həsr edilmiş film təqdim olunacaq. Filmdə bu yarışa hazırlıqla bağlı
Bakıda aparılan işlər, yaradılan idman infrastrukturu və həyata keçirilən digər
tədbirlər əksini tapıb.
Təqdimat mərasimində Qara Qarayev adına Azərbaycan Dövlət Kamera Orkestrinin
skripkaçı xanımlarının çıxışı da olacaq.
Mərasimin sonunda qonaqlara Heydər Əliyev Fondunun Azərbaycan haqqında müxtəlif
nəşrləri təqdim ediləcək.
Qeyd edək ki, Heydər Əliyev Fondunun təşkilatçılığı ilə bu vaxtadək Kann,
Afina, Berlin və İstanbul şəhərlərində "Bakı 2015” birinci Avropa
Oyunlarının təqdimatı keçirilib.Bu tədbirlərin hər biri Azərbaycanın tarixi və
mədəniyyətinə dair müxtəlif təqdimatlarla yadda qalıb. Təqdimat mərasimlərində
məqsəd ilk dəfə keçiriləcək Avropa Oyunları, eləcə də Azərbaycanın bu yarışlara
hazırlığı barədə digər ölkə izləyicilərininməlumatlandırılması, Azərbaycanın
mədəniyyət və incəsənətinin, adət-ənənələrinin təbliğidir.
Birinci Avropa Oyunları 2015-ci il iyunun 12-dən 18-dək keçiriləcək. Yarışlarda
20 idman növü üzrə 49 ölkədən 6000-dən çox idmançı mübarizə aparacaq.
(Report.az)
