"Qəbələ" klubunun sabiq baş məşqçisi Yuri Syomin Rusiyanın "Mordoviya" komandasından rəsmən istefa verib. Sportnet.az-ın məlumatına görə, təcrübəli mütəxəssis başa çatan müqaviləsini uzatmaq istəmədiyini açıqlayıb.
O, istirahət üçün vaxt götürəcəyini, ardından gələcək iş yerini müəyyənləşdirəcəyini bildirib. Amma "Çempionat.com" Syominin tezliklə "Anji" ilə müqavilə bağlayacağını yazıb. Anlaşma sonradan daha 1 il uzadıla bilməsi şərtilə 1 illik olacaq. Mahaçqala təmsilçisi bu mövsüm I Divizionda 2-ci yeri tutaraq, Premyer Liqaya vəsiqə qazanıb.
"Mordoviya" bu mövsüm Rusiya Premyer Liqasında 38 xalla 8-ci yeri tutub.
