Azərbaycan şahmatçısı Şəhriyar Məmmədyarov Hollandiyanın Veyk-an-Zeye şəhərində keçiriləcək şahmat turnirinə qatılacaq. Sportnet.az-ın məlumatına görə, 31 yaşlı zəka sahibinin adı 2018-ci il yanvarın 12-də start götürəcək yarışın iştirakçıları sırasında yer alıb.
Digər iştirakçılar Rusiya şahmatçıları Sergey Karyakin və Vladimir Kramnik, amerikalı qrossmeysterlər Fabiano Karuana və Uesli So (2017-ci il turnirinin qalibi), hindistanlılar Vişvanatan Anand və Başkaran Adhiban, hollandiyalı Aniş Qiri, çinlilər Vey İ və Hou İfan, eləcə də ingiltərəli Haveyn Consundur.
Qeyd edək ki, turnir yanvarın 28-dək davam edəcək.
