"Zirə” klubu yeni futbolçu ilə müqavilə bağlayıb.
Sportnet.az-ın məlumatına görə, Trinidad və Tobaqo yığmasının üzvü Jomal Uilyamsla anlaşılıb. Onunla 6 aylıq müqavilə bağlanılıb. 23 yaşlı hücumçu cari mövsümün sonuna kimi "W Connection” klubundan icarəyə götürülüb. Tərəflər arasında anlaşmaya əsasən futbolçu ilə icarə müqaviləsini artırmaq və ya birdəfəlik transfer etmək hüququ "Zirə”yə məxsusdur.
Jomal Uilyams "Zirə"də 29 nömrəli forma ilə çıxış edəcək.
