"Bu gün bizim üçün çox ağır oyun keçdi. Bunu öncədən də bilirdik. Çünki son vaxtlar "Sent-Etyen" ən yaxşı oyunlarını nümayiş etdirir". Sportnet.az-ın məlumatına görə, bunu "Qarabağ"ın baş məşqçisi Qurban Qurbanov Fransada "Sent-Etyen"lə 1:1 hesablı heç-heçə etdikləri oyundan sonra deyib.
42 yaşlı mütəxəssis seçim imkanının azlığı səbəbindən müdafiəyə çox fikir verdiklərini bildirib: "Amma evə yaxşı nəticə ilə dönürük. Artıq bu matçı yaddan çıxarmaq lazımdır. Həftəsonu "Simurq"la ağır oyunumuz var. "Sent-Etyen"ə də uğurlar arzulayıram. Həqiqətən də belə komandaya qarşı oynamaq xoş idi".
Qeyd edək ki, səfər heç-heçəsi sayəsində "Qarabağ" ikinci pilləyə yüksəlib.
