Fazil Qarayev Azərbaycan Tələbə Futbolu Federasiyasının (ATFF) prezidenti vəzifəsindən istefasının səbəbini açıqlayıb. Təcrübəli mütəxəssis Sportnet.az-a açıqlamasında gedişini vaxt qıtlığı ilə əlaqələndirib.
O bildirib ki, tez-tez səfərlərdə olması ilə əlaqədar federasiyaya diqqət ayıra bilməyib: "Bax, elə bu gün də xaricdən qayıtmışam".
F.Qarayev ATTF əməkdaşlarının uzun müddət əmək haqlarını ala bilməmələrini isə belə izah edib: "Maaş məsələsinə Sahə Futbol Federasiyası baxırdı".
Qeyd edək ki, Fazil Qarayev 28 oktyabr 2013-cü ildə ATFF-nin prezidenti seçilib. Onun istefa xəbəri ötən ay rəsmən açıqlanıb.
