2015-ci ildə Bakıda keçiriləcək I Avropa Oyunlarında Ermənistan idmançıları da iştirak edəcəklər. Bu barədə Sportnet.az-a Gənclər və İdman Nazirliyinin idman şöbəsinin müdiri Mirkamil Rəhimov məlumat verib.
Onun sözlərinə görə, Ermənistan nümayəndə heyətinin Oyunlar zamanı təhlükəsizliyinə Azərbaycan tərəfindən tam təminat verilib. Hərçənd, düşmən ölkənin Olimpiya Komitəsi 2 il öncə nüfuzlu yarışın Bakıda təşkilinə dair səsvermədə iştirakdan imtina edib. Rəhimov bildirib ki, bu imtina heç də Ermənistanın Avropa Oyunlarına qatılmayacağı anlamı vermir.
Qeyd edək ki, hazırda İrəvanda keçirilən Avropa çempionatında Ermənistanın qadın oxatanı Qoar Şahnəzəryan "Bakı-2015"ə lisenziya qazanıb.
