Azərbaycan milli komandası 2026-cı il dünya çempionatının seçmə mərhələsində növbəti oyununu keçirib.
Sportnet.az-ın məlumatına görə, Ayxan Abbasovun baş məşqçi olduğu kollektiv D qrupundakı dördüncü matçında Ukrayna ilə qarşılaşıb.
Polşanın Krakov şəhərindəki “Krakoviya” stadionunda təşkil olunmuş görüş Ukraynanın qələbəsi ilə yekunlaşıb - 2:1.
Hesabı 30-cu dəqiqədə cərimə zərbəsindən sonra Oleksiy Hutsulyak açıb. 45+3-cü dəqiqədə Azərbaycan millisinin sürətli əks-hücumu zamanı Vitali Mikolenko topu öz qapısına göndərib.
Bununla belə, Ruslan Malinovski 64-cü dəqiqədə qələbə topunu vurub. 89-cu dəqiqədə Nazar Voloşin Ukrayna yığmasının üçüncü qolunu vursa da, epizod zamanı qayda pozuntusu səbəbindən VAR-a baxıldıqdan sonra qol sayılmayıb.
Azərbaycan millisi məğlubiyyətdən əlavə, qapıçı Şahrudin Məhəmmədəliyevi də itirib. Təcrübəli qolkiper seçmə tsikldə ikinci sarı vərəqəni alaraq, cəzalı duruma düüb. O, İslandiya ilə noyabrın 13-də Bakıda keçiriləcək görüşü buraxacaq.
Ukrayna yığması bu qələbə sayəsində xalını 7-yə çatdıraraq, ikinci pillədə möhkəmlənib. Fransa İslandiya ilə səfərdə 2:2 hesablı heç-heçə edərək, ilk dəfə xal itirsə də, 10 xalla liderliyini davam etdirir. İslandiya 4 xalla 3-cü, Azərbaycan 1 xalla sonuncudur.
-----------------------
Bu gün Azərbaycan milli komandası 2026-cı il dünya çempionatının Avropa zonası üzrə seçmə mərhələsində növbəti oyununu keçirəcək.
Sportnet.az-ın məlumatına görə, Ayxan Abbasovun baş məşqçi olduğu kollektiv D qrupundakı dördüncü matçında Ukrayna ilə qarşılaşacaq.
Polşanın Krakov şəhərindəki “Krakoviya” stadionunda təşkil olunacaq görüşü Avstriyadan olan hakimlər briqadası idarə edəcək.
Üç oyundan sonra Ukrayna 4 xalla 2-ci, Azərbaycan 1 xalla 4-cü pillədə qərarlaşıb. İki komanda arasında sentyabrın 9-da Bakıda keçirilmiş qarşılaşmada qalib müəyyənləşməyib - 1:1.
Ukrayna millisi yenə xal itirsə, Fransa paralel qarşılaşmada İslandiya üzərində səfər qələbəsi sayəsində dünya çempionatına birbaşa vəsiqəni təmin edəcək.
DÇ-2026, seçmə mərhələ
D qrupu
13 oktyabr
22:45. Ukrayna - Azərbaycan - 2:1
Qollar: Oleksiy Hutsulyak, 30. Ruslan Malinovski, 64 - Vitali Mikolenko, 45+3 (öz qapısına)
Baş hakim: Sebastian Gişamer
Baş hakimin köməkçiləri: Roland Riedel, Santino Şreiner
Dördüncü hakim: Valter Altmann
VAR: Manuel Şuettenqruber
AVAR: Kristian-Petru Çiokirça
(Hakimlər briqadası Avstriyadandır)
“Krakoviya” stadionu
