"Qarabağ"ın Çempionlar Liqasının II təsnifat mərhələsində rəqibi olan Malta "Valletta"sı bir futbolçusu ilə müqavilə müddətini artırıb. Sportnet.az-ın məlumatına görə, Lyuk Dimek daha 1 il Malta təmsilçisinin şərəfini qoruyacaq.
Bununla da 37 yaşlı müdafiəçinin karyerasını bitərərək, ölkəni tərk edəcəyinə dair şayiələrə son qoyub. Bu xəbəri rəqabətədavamlı komanda yaratmaq istəyən baş məşqçi Gilbert Aqius da sevinclə qarşılayıb. İlk sınaq isə Çempionlar Liqasının II təsnifat mərhələsində "Qarabağ"a qarşı olacaq. Oyunlar iyulun 15-də və 22-də olacaq.
Qeyd edək ki, Lyuk Dimek 18 aydır "Valletta"nın şərəfini qoruyur. Veteran futbolçu 2012/2013-cü il mövsümündə Maltanın "Mosta" klubundan transfer edilib.
